Ауыл

Беловодское  орта  мектебінің  тарихы

          Ауылымызда ең алғашқы  мектеп 1912 жылы  салынған. Аңыз  бойынша,  мектептің ашылу  салтанатына 1912 жылы  губернатор  келіп, басқа сыйлықтармен қатар  мектепке қоңырау  сыйлық  еткен, ол  қоңырау  күні  бүгінге  дейін  сақталған.

     Осы  жылдар аралығында  мектепке көптеген  адамдар  жетекшілік  етті.  Олар:  Дворников  Александр  Иванович, Шептин  Николай,  Малова  Варвара  Тимофеевна, Махаев  Борис  Алексанрович,  Отрощенко  Андрей  Андреевич.

Жылдар  жылжып  өтіп  жатты,  ескі  үйлер  бұзылып,  орнына  жаңа  үйлер  салынды. Солай,  1983 жылы  Школьная 12  мекенжайында  қазіргі  заманға  сай  2 қабатты  жаңа  мектеп  ғимаратының  ірге  тасы  қаланып, 1986 жылы қыркүйек айында  пайдалануға  берілген. Жаңа  мектептің  ең  алғашқы  түлектері  1986 жылы  түлеп  ұшты.                                                              

    Мектеп  басшылары  ұжымымен  бірге  жемісті  де,  қажырлы  еңбек  етті.  Адал да, қажырлы  еңбектері  үшін  мұғалімдер  аудандық  білім  беру  бөлімі  мақтау  қағаздары  мен  марапатталынды,  5 жыл  бойы,  яғни  1984-1989 жылдары  ауыспалы  Қызыл  Ту   мектеп  ұжымында  болды.

    1991-1993 жылдары  мектеп  директорының  міндетін  Барке  Владимир  Владимирович  атқарды. Осы жылдары  мектеп  ұжымы  аудандық  озат  ұстаздар қатарында  болды.

1993 - 2002  оқу жылдары  мектеп  директоры  міндетін   Оспанов   Мырзамсейіт  Ермекбайұлы  атқарды. 1993-1994 оқу жылдары  алғашқы  қазақ сыныптары  ашыла  бастады. Өзі  ісін  жақсы  білетін Мырзамсейіт  Ермекбайұлы  жас  мұғалімдерді  тәрбиелеуге,  үйретуге   жанын салған  тәлімгер  ұстаз  болды.

   2002 - 2003 оқу  жылдары  мектеп  директоры  міндетін -Омарова  Мугульсум  Бековна атқарды.  Осы  оқу  жылы  алғашқы  қазақ  сынып  қарылғаштары  мектепті  тәмамдады.

Сынып  жетекшісі  Құрманғалиева  Гульшат  Махмудовна  болған  11 «а» қазақ сыныбын- 15 оқушы , сынып  жетекшісі   Серикбаева  Балжан  Төлегенқызы  болған  11 «б» орыс  сыныбын - 6 оқушы  аяқтады.

2003 - 2005 оқу  жылдары  мектеп  директоры  міндетін  -Кадрин  Бакижан  Төленұлы;

   2005-2006 оқу жылдары мектеп директоры міндетін -Дарменова Бибигуль Молдатаевна;

   2006 - 2007 оқу  жылдары  мектеп  директоры  міндетін  -Матпуса  Хурметхан ;

   2007 - 2010 оқу жылдары  мектеп директоры  міндетін-Серикбаева Балжан Төлегенқызы  атқарды.  2007 жылы мектеп  жанынан  жеке  тәуелсіз  жаңа  от  жағу  орны  салынды.  2008  жылы  мектептің  жылу  жүйесі  мен мектеп  төбесі күрделі  жөндеуден  өтті. 2009  жылы  көптен  тоқтап  қалған  мектеп  асханасы  қайта  жанданып,  жаңа     жабдықтармен  толықтырылып,  өз  жұмысын  бастады.  Сонымен бірге 2009 жылдың  қараша  айынан бастап  мектебімізде  алғаш  рет шағын орталық  жұмыс жасай  бастады.

2010 - 2014 оқу  жылдары мектеп  директоры  міндетін -Дүйсенбаева  Написа  Жақсылыққызы  атқарды. Бұл жылдары  Написа  Жақсылыққызының  бастауымен , мұғалімдердің  қолдауымен  көптеген  игі  істер  атқарылды. Мұғалімдердің  өз қаражаттары  есебінен: сынып кабинеттері  заманауи жөндеуден өткізіліп, кабинеттерге, мектеп  дәліздеріне  жалюзилар алынып ,  мектепке  су құбыры  енгізіліп, екіжерде  ішкі дәретхана  іске қосылды. Сонымен  2012 жылы«Балапан»  бағдарламасы аясында  шағын орталықтың  екінші  кіші  «Балдырған»  тобы  ашылып, жұмыс  жасай бастады.

 Осы жұмыстар нәтижесінде  2011-2012 оқу жылы  мектебіміз  жаңа оқу жылына «Мектептер  дайындығы»  бойынша  аудан  мектептері  ішінен

 І орын алып , сыйлық ретінде мектепке заманауи  үлгідегі биология   және  химия  кабинеттері  берілді.

Мектебіміз   Ұлттық  Бірыңғай  Тестілеуден   аудан  бойынша: 

                2010 - 2011 оқу  жылы   84 %   ұпаймен  3-орын ;

                2011 - 2012 оқу  жылы   74%   ұпаймен    2-орын ;

                2012 - 2013 оқу жылы    87 %   ұпаймен  1-орынды  иеленді.

Осы  мектептен  түлеп ұшып, мемлекеттік  гранттарға  ие  болған  түлектер:

2003-2004 жыл  түлегі-Анеф  Саяхат  Л.Н. Гумилев   атындағы

 Еуразия Ұлттық  Университетінің филология факультетін;

2009- 2010 жылтүлегі  Бекболат Еркегүл –Қаныш Сәтбаев  атындағы  Қазақ Ұлттық Техникалық  Университетін;

 2010-2011 жылтүлегі  Көкен Алтын -  Л.Н. Гумилев   атындағы Еуразия Ұлттық  Университетінің  Жаратылыстану   факультетін;

2011-2012 жыл  түлегі  Хавылхан Лаура –  Қарағанды  Мемлекеттік Университетінің  Емдеу ісі факультетін;

 2011-2012 жылтүлегі  Жақсылық Ақерке –Арқалық Мемлекеттік  Педагогикалық  институтының  Бастауыш  білім  беру  факультетін;

Асханбек Ақбота –  Көкшетау  Ш.Уалиханов атындағы Мемлекеттік   университетінің  Жаратылыстану факультеттерін тәмамдады.

2014 - 2015 оқу  жылдары  мектеп  директоры  міндетін -Серикбаева  Балжан  Төлегенқызы  атқарды.  2014  жылы  мектепке  өрт  қауіпсіздігі  дабылы  орнатылды.

2015-2016 оқу  жылынан  бастап  мектеп  директоры  міндетін 

Омарова Мугульсум  Бековна  атқарды.

Ақмола  облысы, Жақсы  аудандық  әкімдігінің  2015 жылғы  30 қазандағы  №а-11/291 жаңа  жарғысына  сәйкес  «Беловодское  орта  мектебі »  Коммуналдық  Мемлекеттік  Мекемесі  деп  аталатын  болды.  Мектептің  жалпы  көлемі - 2620м2  құрайды . Мектебіміз  2015-2016  оқужылынан  бастап  мемлекеттік  білім  беру  қызметінің  жаңа  лицензиясын  алып,  аралас  мектептен  таза  қазақ  мектебіне  айналды. 2016 жылдың  мамыр  айында  мектеп мемлекеттік   аттестациядан  өтті.2016 жылдың  қыркүйек  айынан мектепке  бейнебақылау  орнатылған. Мектепте  заман  талабына  сай  2 кабинет  жабдықталған  ( химия және  биология)  және 4 интербелсенді  тақта  жұмыс  істейді,  мектеп  ғаламтор  жүйесіне  қосылған.2017-2018 оқу  жылынан  бастап  мектеп  директоры  міндетін

 Дүйсенбаев  Мерекебай  Жақсылықұлы    атқарып  келеді.

Мектебімізде  медициналық  кабинет, спорт  залы,  36 орындық  асхана  және  кітапхана  жұмыс істейді.   Кітап  қорына  тоқталатын  болсақ:  5463 – оқу-әдістемелік  құралдар, 7456 - көркем  әдеби  кітаптар,  148 - электронды  оқулықтар  бар.  2017 - 2018 оқу  жылында  мектебімізде   23 мұғалім  жұмыс  істейді, оның  21 жоғары білімді,  2 арнаулы  орта  білімді. Мұғалімдердің  сапалық  құрамына  тоқталатын  болсақ :жоғары  санатты -1,  І санатты - 9,  ІІ санатты – 5, санаты  жоқ – 8 мұғалім  бар.  Мектебімізде  8 мұғалім  деңгейлік, білім берудің  жаңа  үрдісі  бойынша  білім жетілдіру курстарынан  барлығы өткен. Мектеп  оқушыларының  саны - 80, даярлық тобында – 11 бала,  шағын  орталықтың екі  тобында барлығы–  35 бала  тәрбиеленуде.

2018 - 2019 оқу  жылында  мектебімізде   23 мұғалім  жұмыс  істейді, оның  21 жоғары білімді,  2 арнаулы  орта  білімді. Мұғалімдердің  сапалық  құрамына  тоқталатын  болсақ :жоғары  санатты -1,  І санатты - 9,  ІІ санатты – 6, санаты  жоқ –4  мұғалім  бар.  Мектебімізде  8 мұғалім  деңгейлік, білім берудің  жаңа  үрдісі  бойынша  білім жетілдіру курстарынан  барлығы өткен. Мектеп  оқушыларының  саны - 80, даярлық тобында – 10  бала,  шағын  орталықтың екі  тобында барлығы–  33 бала  тәрбиеленуде.

2019 - 2020 оқу  жылында  мектебімізде   20 мұғалім  жұмыс  істейді, оның  15 жоғары білімді,  5 арнаулы  орта  білімді. Мұғалімдердің  сапалық  құрамына  тоқталатын  болсақ :жоғары  (санатты-педагог-сарапшы -1),  І санатты – 8, (педагог-сарапшы-3),  ІІ санатты – 8 ( педагог-мадератор-4), санаты  жоқ – 3 мұғалім  бар.  Мектебімізде  8 мұғалім  деңгейлік, білім берудің  жаңа  үрдісі  бойынша  білім жетілдіру курстарынан  барлығы өткен. Мектеп  оқушыларының  саны -72, даярлық тобында – 7 бала,  шағын  орталықтың екі  тобында барлығы–  33 бала  тәрбиеленуде.