Кодтау сағаты 2018

«Кодтау сағаты - 2018» дүниежүзілік компьютерлік апталығының

дүниежүзілік бастамасы төңірегінде Беловодское орта мектебінің

3-11 сынып оқушыларымен  танымдық сабақ өткізілді.

"Кодтау Сағаты " - оқушыларды бағдарламалау дағдысына шабыттандыруға бағытталған дүниежүзілік бастама негізінде Беловодское орта мектебінің 3-11 сынып оқушыларына информатика пәні аясында өткізілді. Сабақтың мақсаты: XXI ғасырдағы негізгі дағдыларының бірі – оқушылардың бағдарламалауға қызығушылықтарын ояту, жас ерекшелігіне, ойлау қабілетіне қарамастан әркім бағдарламалауды үйрене алатынын көрсету, бағдарламалаушы мамандығымен таныстыру, бағдарламалауды үйренуде табысқа жету жағдайын құру.

Бұл бастама тек IT-индустриясымен өз тағдырын байланыстырғысы келетіндер үшін, бағдарламалау дағдыларын дамытуға ғана емес, сондай-ақ оқытудағы заманауи интерактивті технологияларды қолдануға бағытталған. Мұның барлығы оқушылар мен мұғалімдерге мектептегі информатика пәні қызықты пән екенін көрсету үшін арналған. Күн сайын қатысушы оқушылар үлкен қызығушылықпен атсалысып отырды.

Бағдарламаудың  екінші күні бастауыш сынып мұғалімі Әбдуахитова Д.Ә бастамасымен 3-сыныпта «Қазақстанда Код сағаты-2018» тақырыбы

аясында тәрбие сағаты өткізіліп балалар сыныптарындағы интерективті тақтаның көмегімен тапсырмаларды орындады.

«Қазақстанда Код сағаты-2018» сабақтың өткізілу форматы: бір сағат ішінде, оқушы 20 деңгейлік ойын есептерін кейіпкердің белгілі бір іс-әрекеттерін бағдарламалау арқылы өтуі тиіс. Сабақ соңында оқушыларға "Кодтау сағаты" сабағын өткендігін туралы сертификаттар берілді. Сабақты информатика пәні мұғалімі Арин Кенжегүл өткізді.

Беловодское орта мектебінің Информатика пәні мұғалімі: Арин Кенжегүл