"Ана тілім ардақтым"

«Ана тілім – ардақтым»

Жүргізуші: Қуаныш бүгін мереке,

Шуағын шашып тұр әлем.

Өнердің түскен жолына,

Жас досым саған мың сәлем.

Құрметті балалар, қонақтар бүгін сіздер тіл апталығына арналған ертеңгілікке қош келіпсіздер!

Ертеңгілігімізді әнұраннан бастайық.

Әнұран: барлық балалардың орындауында.

Жүргізуші: Балалар, біз қай Республикада тұрамыз?

- Біз қайда тұрамыз, ауылдама, қалада ма?

- Біздің ауылымыз қалай аталады?

Жүргізуші: Балалар, адамға тіл не үшін керек?

(Балалардың жауабы)

- Дұрыс, тіл адам бір-бірімен тілдесуге керек. Адамдар сөйлеу үшін керек.

Жүргізуші: Біздің Республикамызда көп ұлттар тұрады. 150 ден астам әртүрлі ұлттар тұрады.

-Балалар қандай ұлттарды білесіңдер?

(Балалардың жауабы.)

Жүргізуші:

- Дұрыс. Осы халықтар өз тілдерінде еркін сөйлесе алады. Бірақ біз Қазақстан Республикасында

тұрғаннан кейін, біздің мемлекеттік тіліміз – қазақ тілі болып есептеледі. Осы тілді біз білуіміз, құрметтеуіміз керек.

Жүргізуші: Қазақ тілі – қазақтың ана тілі,

Бірақ оған адам аз бас иетін.

Қазақ тілі – қазақтың дара тілі,

Кейбіреулер түсінбес қасиетін.

Кейбіреулер өз тілін шұбарлайды,

Орыс тілі сіңген ғой санамызға.

Неге олар «тілім» деп қуынбайды,

Шынымен-ақ басқа боп барамыз ба?

Бұл менің ұлтты сүйген өздік ойым.

Өз тілімде керемет ақыл –ойым.

Қасиетті қазақ тіл – бабам тілі,

Ол тарих, сенің, менің абыройым!

Жүргізуші: Ал қазір, балалар, тіл туралы, біздің Отанымыз туралы тақпақтарды тыңдайық.

Нурислам:

Ана тілім – менің

Әлдилеген әнім.

Ана тілім – демім,

Ана тілім жаным. 

Әсет:Ана тілің-арың бұл 

Ұятың боп тұр бетте, 

Өзге тілдің бәрін біл, 

Өз тіліңді құрметте 
Мақсат: Ана тілім бал тілім 

Өзің барда шалқыдым 

Өз тілімде ән шырқап 

Термелетіп балқыдым 

Адина: Ақыл ойын дананың 

Ана тілден аламын 

Ана тілім ардақты 

Ақ сүтіндей анамның. 

Інжу: Тілім барда мақтанам. 

Тілім менің аппақ ән 

Бірлігімді бүгінгі 

Ана тілім сақтаған. 

Ердос: Өсірген ой білімді 

Сүйем туған тілімді 

Мақсат етем әр сөздің 

Мәнін терең білуді 

Альдаир: Ана тілді білмесем 

Шат-шадыман күлмес ем 

Жер бетінде сайраңдап 

Қазақ болып жүрмес ем 

Нұрай:Ана тілің біліп қой 

Еркіндігің, теңдігің 

Ана тілің біліп қой 

Мақтанышың, елдігің 

Жүргізуші: «Балақан» әні

Жүргізуші: Жүргізуші: Тілді дамыту үшін біз әрдайым мақал-мәтелдер жаттаймыз.

Тіл туралы қандай мақал-мәтелдер білесіңдер. 

Інжу: Өнер алды қызыл-тіл. 

Ердос: Тіл қылыштан өткір. 

Альтайр: Тіл тас жарады 

Тас жармаса бас жарады. 

Адина: Басқа пәле тілден. 

Жүргізуші: Балалар, біз кішкене бойымызды жазып ойын ойнайық.

Жүргізуші: Мерекеміздің соңында балалар «Бөбектер» деген бір өлең айтады.

Жүргізуші: Осымен біздің мереке аяқталды. Қонақтармен қоштасайық! Сау болыңыздар.