Жазғы сауықтыру демалыс лагері

Жаздағы ұмытылмас саяхат

Жазғы үлкен үзіліс ұзақ оқу жылынан кейін мектеп оқушыларының денсаулығын бекіту, денесін шынықтыруы, күш жинауы үшін беріледі. Бірақ бұл да олардың рухани баю, өз күштерін тексеру және байқап көру, қоршаған ортаны игеру және түсіну уақыты. Балалардың белсенді демалысы әдеттегідей мектеп қарамағындағы жазғы сауықтыру лагерлерінде өтеді.

Жазғы сауықтыру лагері 2-маусыммен жұмыс жасайды. Бір ауысымда 15-ке жуық оқушыны сауықтыру жоспарланып отыр. Балалардың жас мөлшері 6 жастан 10 жасқа дейін. Ауысым ұзақтығы 10 күн. Жазғы лагерде аз қаржыланған отбасы балалары, сондай-ақ бастауыш сынып оқушылары қамтылған. Жазғы ауысымды өткізу қажеттігі жазғы жағдайда оқу үрдісін жалғастыру, оқушылардың денсаулығын бекіту, балаларды жазғы уақытта іспен қамту мәселесі секілді жайлардан туындап отыр:Лагерь бағдарламасы балалардың қызығушылығы мен психологиялық жас ерекшеліктерін есепке ала отырыпжасалды. Мектеп жанындағы лагерьдің мақсаты: педагогикалық ұжым, ата-аналар қоғамдастығы, оқушылар, мектептен тыс ұйымдардың өзара қарым- қатынасын орната отырып, оқушылардың жазғы демалысын өткізуі үшін қажетті әдістемелік, ұйымдастырушылық, ақпараттық жағдайларды қамтамасыз ету. Әркім өз денсаулығына түсінушілікпен қарауы және оларды табиғат сақтау іс-әрекетіне тарту үшін дене сауықтыру жүйесін жасау. Баланың тұлғасын дамыту, дене, психикалық және эмоционалдық денсаулығын бекіту, Қазақстан Республикасы азаматының ең жақсы қасиеттеріне тәрбиелеу болып табылады. Әр сынып оқушылары жазғы демалыстарын ызықты өткізіп жатыр.

«Айгөлек» лагеріндегі І–ауысымның тәрбиешісі Алдабергенова Д.А маусымның 2 мен 15 аралығында алғашқы ауысым бағдарламасын жүзеге асырды. 2-ауысымда Нысанбай Л.А маусымның 3 мен 30 аралығында бағдарламасын жалғастыруда. Бекітілген жоспарға сәйкес лагерь демалушылары күн сайын әр түрлі саяхаттар жасады.

Балалар 10 күн ішінде жақсы көңіл-күймен, зор қызығушылықпен, ұйымдасқан түрде ауысымды аяқтады. Ауысымның жабылу салтанатында балалар 10 күн ішіндегі өздерінің көңіл-күйлерімен бөлісіп, ән айтып, би билеп, белсенді қатысқан оқушылар мақтау қағаздарымен марапатталды. Мектебіміздің жанындағы жазғы лагерь әрқашан балалардың жазғы демалысын ұмытылмастай етіп іске асыруға бар күш-жігерін салуда. Жаздағы жақсы демалыс - жыл бойына қажетті күш –қуат.